[Asturianu] Moviment català d'alliberament nacional

castellano - français - english - italiano - occitan - asturianu - aragonés - esperanto

A pesar de la ocupación de la nuestra tierra y la perda de les instituciones propies, los exemplos de llucha y resistencia contra la ocupación española y francesa fueron sucediéndose de manera ininterrumpía y con varies expresiones: los bandoleros y los Angelets de la Terra, en llucha contra la segregación de la Cataluña norte, el carlismu, movimientu reaccionariu pero con un fuerte componente nacional, el republicanismu federal, l'anarcosindicalismu, con munchu arraigu aquí, hasta llegar a la resistencia antifranquista.

Ye nel senu d'esta resistencia a la dictaúra del xeneral Franco nel que se define una propuesta de lliberación popular pal conxuntu de la nuestra nación, col nacimientu nel añu 1969 del Partíu Socialista de Lliberación Nacional de los Países Catalanes (PSAN), que, fuertemente influíu polos procesos iniciaos pel pueblu cubanu y n'Arxelia, pero tamién pol mayu del 68, establez el programa básicu pal independentismu catalán: la reivindicación de tol territoriu nacional, de l'independencia como mediu pa decidir cómo queremos organizamos como pueblu, y la construcción del socialismu como forma de construcción d'una sociedá xusta y sin discriminación. Tol movimientu independentista posterior creció alredeor d'estes reivindicaciones básiques, a les que se sumen la llucha contra'l patriarcáu y pola construcción d'una sociedá sin discriminación por motivos de xéneru u opción sexual, la defensa'l territoriu contra les agresiones producíes polos intereses económicos relacionaos, sobre too, col turismu, l'internacionalismu y la solidaridá con otros procesos emancipaores de toles partes del mundu, la solidaridá coles compañeres represaliaes...

Ye nesti espaciu nel que naz Maulets nel añu 1988, como organización de xóvenes independentistas, cola función d'organizar la xuventú de les clases populares catalanes pa consolidar la llucha pola independencia y la revolución social. Frutu de la unión con otra organización de xóvenes, los Xóvenes Independentistes Revolucionarios y Revolucionaries (JIR) nació, nel añu 1999, Maulets, el jovent independentista revolucionari.

A lo llargo de los sus más de venti años d'existencia, Maulets desarrolló la tarea d'autoorganización de la xuventú en múltiples campos: nel ámbitu cultural, cola movilización contra'l serviciu militar obligatoriu, contra la reforma laboral y les empreses de trabayu temporal (ETT), contra la Constitución Europea, en defensa'l territoriu, cola llucha pola lliberación sexual, na vertiente de reivindicación nacional durante les fiestes nacionales, y tamién la llucha antirrepresiva y na defensa de les compañeres represaliaes. Con un funcionamientu asambleariu, col impulsu de la formación y la capacidá d'análisis, el debate y la formación, pa avanzar na concienciación de los xóvenes de les clases populares de los Países Catalanes.

Maulets ye parte integrante del Movimientu Catalán de Lliberación Nacional (MCAN), formáu per un conxuntu ampliu d'organizaciones y colectivos sectoriales que comparten les reivindicaciones d'independencia y socialismu palos Países Catalanes y que se coordinen, caúna dende'l so ámbitu, pa avanzar na consecución d'estos fines.

Quién somos - Declaración de principios - Países Catalanes - MCAN