Países Catalanes

castellano - français - english - italiano - occitan - asturianu - aragonés - esperanto

Os Países Catalans son una nación oprimida situada en a zona de l’este de la Peninsula Iberica, dende Guardamar enta o sur, lugar d’a comarca d’o Baix Segura, dica Salses, enta o norte d’os Pirineos, enta la comarca d’o Rosselló, a o norte. Tamién bi incluye, en l’este, as Islas Balears y as Pitiüsses, y se extendilla dica l’ueste dica Fraga, en a comarca aragonesa d’o Baix Cinca.

A luennga catalana ye l’elemento que identifica a nación catalana y que ha aduyau a vertebrar una unica conciencia nacional, encara que o territorio d’os Países Catalans se troba deseparu y trestallau en bells administracions, ocupau por os Estaus espanyol y francés, guaranciadors d’o capitalismo en a nuestra tierra, y que han imposau, mientres toda l’historia, politicas uniformaderas que niegan a diversidat nacional y cultural que ellos mesmos se’n fan por reprimir y marchinar.

A historia d’a división y a ocupación d’a nuestra tierra comencipia con as guerras entre os estaus francés y espanyol en o siglo XVII, que rematan con a separación d’una parti d’a nuestra nación (a Catalunya norte), anexionada ta par d’alavez l’Estau francés por meyo d’o Tratau d’os Pirineus (1659). En Catalunya norte será uno d’os territorios catalans que más sufrirán a politica asimiladera, muito más intensa y efectiva en l’Estau francés que en l’espanyol. Dimpuesas, en a Guerra de Sucesión enta o trono d’Espanya dimpués d’a muerte de Carlos II de Austria, os territorios catalans baixo dominio espanyol refirman a l’archiduque Carlos de Austria contra Felipe de Borbón. Dimpués d’a baralla d’Almansa (25 d’abril de 1707), aon que Felipe de Borbón derrota a os partidarios de Carlos de Austria, empecipia a ocupación d’os nuestros territorios y a perdida d’as institucions y as lechislacions propias, proceso que rematará con a cayida de Barcelona o 11 de septiembre de 1714. Ye con a plegada d’os borbons quan prencipian, en l’Estau espanyol, as midas enfiladas enta la creyación d’un moderno estau-nación centralizau, con una unica luenga y unas unicas leis y institucions.

La negación d’o dreito democratico d’autodeterminación, a imposición de l’espanyol y o francés, a folklorización y a degradación d’a nuestra cultura popular, a separación d’os nuestros territorios y o trestallamiento en mugas y administracions diversas, a imposición d’un sistema social y economico minchador d’os nuestros recursos, etc. han estau as politicas d’os Estaus opresors, qui se miran d’afogar y acorar as nacions que luitan por a suya liberación. Y no podeba estar d’atra traza, ya que os movimientos de liberación nacional son a factor más desestabilizant pa istos estaus, que amenistan fer desapareixer o problema pa guaranciar a suya función lechitimadera d’o sistema de mercau.

Pero no han conseguiu lo que escaban, y numerosos movimientos de liberación popular naixen y se fan fuertes en as naciones oprimidas por os estaus espanyol y francés: catalans, vascos, gallegos, castellanos, aragoneses, asturianos, corsos, occitanos, bretones... barallan y se organizan enta la construcción de sociedatz nacionalment y socialment libres.

Qui somos - Declaración de principios - Países Catalanes - MCAN