[Occitan] Maulets, el jovent independentista revolucionari
català - castellano - français - english - italiano - occitan - asturianu - aragonés - esperanto
Maulets neishec en deseme de 1988 en Lligordà, en país de La Garrotxa, en ua amassada prefundacionau a on se decidic coordinar eth jovent independentista e revolucionari des Païsi Catalans en ua organizacion que mobilizèsse eth jovent e damb un nòm que signifiquèsse quauquarren de mès qu'era manèra coma serie coneishuda era organizacion a compdar d'alavetz. Maulets, ath delà d'èster un aumenatge as lauraires deth País Valencian de 1700, significaue e signifique eth compromís de luta deth jovent pera libertat des Païsi Catalans e pera justícia sociau.
An dejà passat 22 ans tre eth moment dera creacion de Maulets coma era organizacion politica deth jovent independentista e revolucionari catalan. En aguest periòde, Maulets a passat per 8 Amassades Nacionaus, damb ua de plan importanta, aquera der an 1999 en Berga, que signifiquèc era unitat en ua soleta organizacion juvenila de Maulets e es JIR. Neishec atau Maulets, eth jovent independentista e revolucionari; a passat tanben procèssi de ruptura pr'amor d'aguest mau endemic que semble qu'afècte ar independentisme de cò nòste; multitud de campanhes locaus e nacionaus (sus toxicomanies, contra eth sistèma patriarcau, pera defensa deth territòri, contra era especulacion, contra era explotacion laborau deth jovent, peth dret a aimar coma se volgue e a qui se volgue, pera defensa deth catalan...) que servissen entà hèr a préner consciéncia e mobilizar eth jovent catalan, entà afrontar ua realitat que mos oprimís, entà reivindicar eth nòste dret a èster e a existir coma pòble; s'an passat e se passen moments de repression fòrça durs (era detencion pendent quasi sies ans de Núria Cadenes, era persecucion de Nicolau d'Elx, era persecucion policèra e judiciau as companhs e companhes de L'Horta per deféner eth nòste territòri, constants jutjaments, criminalizacions, identificacions e detencions a mantues militantes e militants...); e era pèrta de companhes e companhs coma Guillem Agulló, mòrt pes fascistes eth dia 11 d'abriu de 1993.
Maulets a tostemp agut fòrça clara era vision complèta de tot eth territòri catalan. Qu'ei ua organizacion Nacionau, validada non sonque pera sua defensa de tot eth territòri mès pera quantitat d'assemblades repartides ath long d'aguest que creishen de manèra constanta tre es sòns inicis enquia arribar as mès de 40 que i a aué. Vertebrar ua organizacion que se mò de Salses enquia Guardamar e de Fraga enquia Maó non ei cap simple, mès Maulets ac hè dia ath darrèr dia. Es estats Espanhòu e Francés contunhen de prémer fòrt, contunhen d'oprimir-mos, en tot reprimir-mos, en tot abocar-mos a ua societat sometuda as volontats des grani estats e deth sistèma capitalista e dera economia neoliberau imperantes, de nefastes conseqüéncies.
No vam a renonciar a cap de parçan deth país nòste: ja n'i a pro de renóncies. Maulets que renauim eth nòste compromís damb eth jovent des classes populares catalanes entà arténher un futur de libertat e egalitat: uns Païsi Catalans nacionauments liures e sociauments justi. Eth combat maulet be contunhe!
Qui èm - Declaracion de principis - Es Païsi Catalans - MCAN
