Países Catalanes

castellano - français - english - italiano - occitan - asturianu - aragonés - esperanto

Los Países Catalanes son una nación oprimía situá na zona este de la Península Ibérica, dende Guardamar al sur, población de la comarca'l Baix Segura, hasta Salses, al norte los Pirineos, na comarca'l Rosselló, al norte. Tamién incluye, nel este, les Isles Baleares y les Pitiüsses, y extiéndese hacia l'oeste hasta Fraga, na comarca'l Baix Cinca.

La llingua catalana ye l'elementu qu'identifica la nación catalana y qu'ayudó a vertebrar una única conciencia nacional, anque'l territoriu de los Países Catalanes ta dixebráu y dividíu en varies administraciones, ocupáu polos estaos español y francés, garantes del capitalismu aquí, y que impusieron, a lo llargo la historia, polítiques uniformaores que nieguen la diversidá nacional y cultural qu'ellos mesmos s'encarguen de reprimir y marxinar.

La historia de la división y la ocupación de la nuestra tierra entama coles guerres entre los estaos francés y español nel sieglu XVII, qu'acaben cola separación d'una parte de la nuestra nación (la Catalunya norte), anexioná dende entós al estáu francés a través del Tratáu de los Pirineos (1659). La Catalunya norte será ún de los territorios catalanes que más sufrirán la política asimilaora, muncho más intensa y efectiva nel estáu francés que nel español. Posteriormente, na Guerra de Sucesión al tronu d'España tras la muerte de Carlos II d'Austria, los territorios catalanes baxo dominiu español apoyen al archiduque Carlos d'Austria contra Felipe de Borbón. Tras la batalla d'Almansa (25 d'abril de 1707), na que Felipe de Borbón derrota a los partidarios de Carlos d'Austria, empieza l'ocupación de los nuestros territorios y la perda de les instituciones y les lexislaciones propies, procesu qu'acabará cola caía de Barcelona l'11 de setiembre de 1714. Ye cola llegá de los borbones qu'entamen, nel estáu español, les medíes encaminaes a la creación d'un modernu estáu-nación centralizáu, con una única llingua y unes úniques leyes e instituciones.

La negación del derechu democráticu d'autodeterminación, l'imposición del español y el francés, la folklorización y la degradación de la nuestra cultura popular, la dixebración de los nuestros territorios y la división en fronteres y administraciones diverses, la imposición d'un sistema social y económicu depredaor de los nuestros recursos, etc., fueron les polítiques de los estaos opresores, qu'intenten afogar y destruir les naciones que lluchen pola su lliberación. Y nun podía ser d'otra manera, ya que los movimientos de lliberación nacional son el factor más desestabilizante pa estos estaos, que necesiten facer desapaecer el problema pa asegurar la so función lexitimaora del sistema de mercáu.

Pero nun consiguieron lo que buscaben, y munchos movimientos de lliberación popular nacen y fortalécense nes naciones oprimíes polos estaos español y francés: catalanes, vascos, gallegos, castellanos, aragoneses, asturianos, corsos, occitanos, bretones... combaten y organícense pa la construcción de sociedaes nacional y socialmente llibres.

Quién somos - Declaración de principios - Países Catalanes - MCAN