Declaración de principios

català - castellano - français - english - italiano - occitan - asturianu - aragonés - esperanto

Maulets somos una organización politica de chovens, independentista y revolucionaria, que luita por unos Países Catalans unificaus, independients, ecoloxicos, no patriarcals y sin clases en una sociedat aon que as libertatz colectivas sigan as garants d’as libertatz individuals.

Ye decir, luitamos por a construcción d’o socialismo a ran mundial y en todas as dembas, como praxis humana liberadera, que leve a o pueblo catalán enta una organización social aon que o desembolique de cada persona siga la condición previa a o desembolique de totz y todas: o comunismo.

A nuestra faina, como organización de chovens, ubierta, participativa y asambleyaria, ye organizar a luita, concienciar os sectors chovenils d’as clases populars y movilizar-los, creyando alternativas a l’orden social vichent. Maulets se configura como una aina de movilización, participación y luita d’os sectors populars d’a choventut catalana ta la consecución d’a libertat social y nacional d’o pueblo catalán.

Maulets luitamos por una independencia nacional de tot, entendida como l’exercicio constant d’o dreito a l’autodeterminación, pa guaranciar a existencia nacional d’os Países Catalans y a suya libertat social.

Maulets prenemos como marco nacional de luita os Países Catalans (de Salses a Guardamar i de Fraga a Maó), d’a que a suya unidat territorial ye inseparable d’a nuestra luita como pueblo diferenciau.

Maulets luitamos por a instauración d’un modelo de sociedat sin clases, refusando totz os sistemas y trazas de dominación, d’explotación y d’opresión (economica, melitar, patriarcal y ecoloxica). Por ixo, luitamos por a creyación y l’empente de tarabiadus socials y practicas individuals que faigan tranya a un contrapoder popular que autoorganize y autochestione de traza reyalment democratica y participativa os recursos materials y humanos d’as clases populars. Un contrapoder que reconoixca y guarancie l’exercicio d’a libertat en totz os ambitos d’a vida, en o que os individuos refirmen y empenten a o maximo totz os aspectos d’a suya personalidat.

Maulets parte del marxismo como alacet d’a suya luita, entendiéndo-lo como un sistema pleno y en un proceso de construcción cutiana y (re)elaboración. Fuyimos, asinas, de dogmatismos y de posicions reformistas que son fruito d’a manca de perspectiva historica. Femos servir o materialismo historico ta analizar os diferents contextos socioeconomicos y creyemos inevitable a plegada d’un proceso revolucionario que esboldregue o sistema capitalista y a tiranía d’os estaus (en o nuestro caso, estaus ocupants) sobre as clases populars; concebimos, manimenos, a faina revolucionaria de trazas no inmovilistas ni mecanica y participamos activament d’o proceso de emancipación d’o pueblo catalán, a traviés d’a construcción de prochectos inmediatos, crebaders y contrahechemonicos. Entendemos, asinas, que as personas escriben a suya propia historia pero en condicions previament determinadas y independients d’a voluntat individual. Manimenos, Maulets busca la pluralidat y a unidat de todas as chovenas anticapitalistas y antifaixistas que luitan por a independencia politica d’os Países Catalans y admite en o suyo seno a heterocheneidat d’ideolochías y interpretacions d’as luitas revolucionarias d’o nuestro pueblo.

Queremos empentar y recuperar a riqueza d’a nuestra cultura popular catalana entendida como trazas de vida y d’expresión, y no como mero folklorismo. Son a luenga catalana, as fiestas populars, as tradiciones d’antesmás, a gastronomía catalana, a mosica y as danzas tradicionals... alacetz basicos a esfender y extendillar contra l’actual colonización cultural.

Maulets, en lucha contra todos los sistemas de dominación, se declara feminista, es decir, en contra de una división jerarquizada y sexista de la sociedad. Maulets trabaja por una sociedad igualitaria sin discriminaciones de género ni de opción sexual.

Maulets, en luita contra l’explotación destructiva d’o meyo ambient -factor intrinseco a o metodo de producción capitalista- esfiende un modelo socioeconomico sostenible y no belicherant con o suyo redol natural.

Maulets, en coderencia con a reivindicación tanto d’a libertat colectiva como d’a individual, prene a esfensa de totz os represaliaus y todas as represaliadas por esfender a liberación social y nacional d’o pueblo catalán.

A nuestra luita ye a luita de totz os pueblos oprimius d’o mundo. Creyemos en o internacionalismo como ferramienta pa extendillar y creyar libertat aon que existe opresión. Maulets considera que a millor traza de solidaridat con os pueblos d’o mundo ye a derrota d’o capitalismo y de l’imperalismo enta la nuestra tierra, con a luita revolucionaria y de liberación d’o pueblo catalán.

Maulets esfendemos o dreito historico d’o nuestro pueblo, reconoixiu internacionalment por a Declaración Universal de Dreitos Colectivos d’os Pueblos, de dotarse de totz os meyos que considere convenients en cada situación historica pa arribar enta os nuestros dreitos.

Maulets, como organización politica de chovens, fa parti integrant d’o Movimiento Catalán de Liberación Nacional.

Qui somos - Declaración de principios - Países Catalanes - MCAN