[Asturianu] Maulets, el jovent independentista revolucionari

català - castellano - français - english - italiano - occitan - asturianu - aragonés - esperanto

Maulets nació en diciembre de 1988 en Lligordà, na comarca la Garrotxa, nuna asamblea prefundacional na que se decidió coordinar a los xóvenes de los Países Catalanes nuna organización que movilizase a la xuventú y con un nome que significase muncho más que la manera na que se conocería a l'organización a partir d'entós. Maulets, amás de ser un homenaxe a los campesinos del País Valencianu de 1700, significaba y significa'l compromisu de llucha de los xóvenes pola llibertá de los Países Catalanes y pola xusticia social.

Pasaron ya 22 años dende la creación de Maulets como l'organización política de los xóvenes independentistes y revolucionarios catalanes. Nesti periodu, Maulets pasó per ocho Asamblees Nacionales, una de gran importancia, la del 1999 en Berga, que significó la unidad nuna sola organización xuvenil de Maulets y les JIR. Nació d'esa manera Maulets, el jovent independentista i revolucionari; pasó tamién procesos de ruptura a causa'l mal endémicu que paez qu'afecta al independentismu catalán; multitú de campañes locales y nacionales (sobre drogodependencies, contra'l sistema patriarcal, pola defensa'l territoriu, contra l'especulación, contra l'explotación laboral de los xóvenes, pol derechu a amar como se quiera y a quien se quiera, pola defensa'l catalán...) que sirven pa concienciar y movilizar a los xóvenes catalanes, pa planta-y cara a una realidá que nos oprime, pa reivindicar el nuestru derechu a ser y existir como pueblu; pasáronse y pásense tovía momentos de represión muy dura (la detención durante casi seis años de Núria Cadenes, la persecución de Nicolau d'Elx, la persecución policial y xudicial a los compañeros de l'Horta por defender el territoriu, constantes xuicios, criminalizaciones, identificaciones y detenciones a muncha militancia...); y la perda de compañeros como Guillem Agulló, muertu a manes de fascistes l'11 d'abril de 1993.

Maulets siempre tuvo mui clara la visión completa de tol territoriu catalán. Ye una organización nacional, validá no solo pola su defensa de tol territoriu sino pola cantidá d'asamblees repartíes a lo llargo d'esti que van creciendo de forma constante dende los sos inicios hasta llegar a les más de 40 qu'hai güei día. Vertebrar una organización que se mueve de Salses a Guardamar y de Fraga a Maó nun ye fácil, pero Maulets failo día a día. Los estaos español y francés continúen pegando fuerte, continúen opriméndonos, reprimiéndonos, condenándonos a vivir nuna sociedá sometía a les voluntaes de los grandes estaos y del sistema capitalista y la economía neolliberal imperante, de nefastes consecuencies.

Nun-yos cederemos ni un palmu más de la nuestra tierra: basta ya de renuncies. Maulets renovamos el nuestru compromisu cola xuventú de les clases populares catalanes pa alcanzar un futuru de llibertá ya igualdá: unos Países Catalanes nacionalmente llibres y socialmente xustos. El combat maulet continua!

Quién somos - Declaración de principios - Países Catalanes - MCAN