[Occitan] Moviment català d'alliberament nacional

castellano - français - english - italiano - occitan - asturianu - aragonés - esperanto

Maugrat era aucupacion deth nòste país e era pèrta des institucions pròpies, es exemples de luta e de resisténcia contra era aucupacion espanhòla e francesa se succedissen de manèra contunhada e damb diuèrses expressions: es bandolers e es Angelets de la Terra, en luta contra era segregacion dera Catalonha deth nòrd, eth carlisme, movement reaccionari mès damb un fòrt compausant nacionau, eth republicanisme federau, er anarcosindicalisme, fòrça installat en cò nòste, enquia arribar ara resisténcia antifranquista.

Qu'ei en aguesta resisténcia ara dictadura deth generau Franco a on se definís ua prepausa de desliurança populara entath conjunt dera nòsta nacion, damb era neishença er an 1969 deth Partit Socialista de Liberacion Nacionau des Païsi Catalans (PSAN), que, fòrtaments influït pes procèssi iniciadi peth pòble cuban, en Algèria, mès tanben peth Mai de 68, establís eth programa basic entar independentisme catalan: era reivindicacion de tot eth territòri nacionau, dera independéncia coma mejan entà decidir com mos volem organizar coma pòble, e eth bastiment deth socialisme coma forma de bastiment d'ua societat justa e sense discriminacion. Tot eth movement independentista posterior a creishut ath torn d'aguestes reivindicacions basiques, as que s'ahigen era luta contra eth patriarcat e peth bastiment d'ua societat sense cap de discriminacion per motius de genre o d'opcion sexuau, era defensa deth territòri contra es agressions produsides pes interèssi economics restacadi, sustot, damb eth torisme, er internacionalisme e era solidaritat damb auti procèssi d'emancipacion per tot eth mon, era solidaritat damb es companhes represalhades...

Qu'ei en aguest espaci a on nèish Maulets er an 1988, coma organizacion de joenes independentistes, qu'a per foncion organizar eth jovent des classes populares catalanes entà assolidar era luta pera independéncia e pera revolucion sociau. Frut dera union damb ua auta organizacion de joenes, es Joens Independentistes Revolucionaris e Revolucionàries (JIR) neishec, er an 1999, Maulets, eth jovent independentista revolucionari.

Ath long des sòns mès de vint ans d'existéncia, Maulets a desvolopat eth prètzhèt d'autoorganizacion deth jovent en multiples camps: en encastre culturau, damb era mobilizacion contra eth servici militar obligatòri, contra era reforma laborau e es Enterpreses de Trabalh Temporau (ETT), contra era Constitucion Europèa, ena defensa deth territòri, damb era luta pera desliurança sexuau, en encastre de reivindicacion nacionau pendent es Diades nacionaus, e tanben ena luta antirepressiua e ena defensa des companhes represalhades. Damb un foncionament d’assemblada, er impuls dera formacion e era capacitat d'analisi, eth debat e era formacion, entà pr'amor d'auançar ena conscienciacion des joens des classes populares des Païsi Catalans.

Maulets qu'ei part integranta deth Movement Catalan de Liberacion Nacionau (MCAN), format per un corrop ample d'organizacions e collectius sectoriaus que compartissen es reivindicacions d'independéncia e de socialisme entàs Païsi Catalans e que se coordinen, cadua de sòn encastre estant, entà pr'amor d'auançar ena obtencion d'aguesti objectius.

Qui èm - Declaracion de principis - Es Païsi Catalans - MCAN