[Aragonés] Maulets, el jovent independentista revolucionari

català - castellano - français - english - italiano - occitan - asturianu - aragonés - esperanto

Maulets naixió en aviento de 1988, de Lligordà, en a redolada d'a Garrotxa, en una asambleya prefundacional a on que se decidió coordinar a los chovens d'os Países Catalans en una organización que movilizase a la chovenalla y con un nombre que significase muito mas que no a traza como se conoixería a la organización dende alavez. Maulets, animás d'estar un homenache a os labradors d'o País Valenciano de 1700, significaba y significa o compromís de luita d'os chovens por a libertat d'os Países Catalans y por a chusticia social.

Han pasau ya 22 anyadas dende a creyación de Maulets como organización politica d'os chovens independentistas y revolucionarios catalans. En tot iste tiempo, Maulets ha pasau por ueito Asambleyas Nacionals, una de gran importancia, a de 1999 en Berga, que significó a unidat en nomas una organización choven, de Maulets y as JIR. Naixió d'ista traza Maulets, o choven independentista y revolucionario; ha pasau tamién procesos de crebadura por o mal endemico que pareix que tien l'independentismo catalán; arrienda campanyas locals y nacionals (sobre drogodependencias, contra o sistema patriarcal, por a esfensa d'o territorio, contra a especulación, contra a explotación laboral d'os chovens, por o dreito a amar como se quiera y a qui se quiera, por a esfensa d'o catalán...) que sirven ta concienciar y movilizar a los chovens catalans, ta concarar una reyalidat que nos oprime, ta reivindicar o nuestro dreito a estar y existir como pueblo; s'ha pasau y se pasan encara intes de represión muito fura (o engarcholamiento mientres seis anyadas de Núria Cadenes, a persecución de Nicolau d'Elx, a persecución policial y chudicial a los companyers de l'Horata por esfender o territorio, y terne que terne chuicios, criminalizacions, identificacions y engarcholamientos de muita militancia...); y a perda de companyeras y companyers como Guillem Agulló, muerto a mans de faixistas o 11 d'abril de 1993.
Maulets siempre ha teniu muito esclatera a visión completa de tot lo territorio catalán. Ye una organización nacional, validada no nomas por a suya esfensa de tot lo territorio sino por a cantidat d'asambleyas espardidas por tot, que van creixendo terne dende os suyos prencipios dica plegar a las más de 40 que bi ha hue. Vertebrar una organización que se mueve de Salses a Guardamar y de Fraga a Maó no ye facil, pero Maulets lo fa cada diya. Os estaus espanyol y francés continan enrestindo furo, continan oprimindo-nos, reprimindo-nos, condenando-nos a vivir en una sociedat sozmesa a las voluntatz d'os grans estaus y d'o sistema capitalista y d'a economía neoliberal imperant, de penibles conseqüencias.
No reblaremos ni un sacre más d'a nuestra tierra: prou ya de renuncias. Maulets esviellamos o nuestro compromís con a chovenalla d'as clases populars catalanas ta plegar en un futuro de libertat y igualdat: uns Países Catalans nacionalment libres y socialment chustos. A luita maulet contina!

Qui somos - Declaración de principios - Países Catalanes - MCAN